Korterraza Arabak Arabako geografia zeharkatu du urteko film labur interesgarrienetako askorekin. 9. edizio honetan, Arabako aire zabaleko film laburren jaialdiak 49 proiekzio egin ditu 42 herritan. Korterraza Araba ekainaren 24an hasi zen eta irailaren 9an amaitu da. Eta, edizio bakoitzean bezala, publikoak 2.900 parte-hartzaile ingururekin erantzun du Arabako udan erreferentzia kultural bihurtu den jarduera batean.

Parte hartzaileek, gainera, aurtengo Korterraza Araba eta Korterraza Araba Txiki Sariak irabazi dituzten bi film laburrak aukeratu dituzte. Lehenengoak ex aequo irabazle bikoitza izan du: “Actos por partes” (Sergio Milan) eta “París 70” (Dani Feixas). ESMA eskola frantseseko Txiki kategorian, “Malacabra” -k irabazi du saria.